Tu âs cirût la peraule
bilengâl monolengâl
Tu âs cirût la peraule
da antologia
torne indaûr

bilengâl

da antologia
  • 1

    loc.adi.inv. classic, di antologjie, di ricuardâ Copie

    [CO] (esemplâr intal so gjenar)
    una novella da antologia = une conte classiche
    una partita da antologia = une partide di antologjie

monolengâl

classic adi.
(cla-ssic)
De antichitât greghe e romane
sinonims
antîc
esemplis
"fûr dal continent, i unics che a savevin alc, che a savevin lei e scrivi e che a jerin in grât di conservâ un tic di culture classiche, a vignivin de Scozie e da la Irlande parcè che a jerin i unics puescj dulà che i barbars no jerin rivâts"
gjavât fûr di "La nestre storie" di Francesc Placerean
"la leterature greghe no si pues imagjinâ cence Omêr, e te stesse misure no si pues imagjinâ la leterature latine cence chê greghe e nancje la leterature europeane cence i modei classics"
gjavât fûr di "Jentrade de Odissee" di Sandri Carrozzo, Pierluigi Visintin
classic adi.
(cla-ssic)
Che al rive ai nivei culturâi e artistics considerâts plui alts di une cierte dissipline, di une cierte zone, di une cierte ete e v.i.
sinonims
miôr
esemplis
"Tolstoj al è un dai pilastris de prose classiche russe"
classic adi.
(cla-ssic)
Di artist o opare, che si considere esemplâr
sinonims
canonic, esemplâr
esemplis
"Maria Forte e Dino Virgili, tra i autôrs classics de Risultive, a son chei che si son impegnâts di plui te scriture di romançs "
classic adi.
(cla-ssic)
Di impostazion dissiplinâr o teorie, fondade suntune sistematizazion che e je chê di riferiment, spec. a pet di indreçaments plui modernis
sinonims
tradizionâl
esemplis
"il mût di lâ indenant al è di stamp sientific classic cuntun moment di racuelte des informazions, un moment di analisi, un di sintesi e un di risultâts"
gjavât fûr di "Studi da la evoluzion dal paisaç mediant i toponims" di Rino Gubiani
"o tratarìn plui in detai la notazion des POS [parts dal discors] e de morfologjie tant che notazion linguistiche classiche"
gjavât fûr di "Corpus linguistics" di Vladimir Petkevic
classic adi.
(cla-ssic)
Che al va daûr di un stîl, di une elegance che al ven di une lungje tradizion, cence grande inovazion o sperimentazion, ancje in funzion av. (fig.)
sinonims
tradizionâl
esemplis
"un vistît cuntun tai classic"
"vistî classic o sportîf"
classic adi.
(cla-ssic)
Spec. te publicitât, di prodot, che al à lis carateristichis di simpri, in confront a altris di mode resinte
esemplis
"un te di savôr classic"
classic adi.
(cla-ssic)
Che al pues jessi tignût di esempli tipic
sinonims
tipic
esemplis
"un libri cu lis ricetis plui classichis de cusine cjargnele"
classic adi.
(cla-ssic)
Cussì tipic che ducj lu cognossin, che al devente fintremai banâl
sinonims
solit
esemplis
"la classiche foto de cusine furlane cul fogolâr e cun tant di cjavedâl e di nape"
classic adi.
(cla-ssic)
Che al è cussì tipic che al merete di jessi ricuardât, contât e v.i. (scherç.)
sinonims
famôs
esemplis
"la plui classiche però e fo cuant che i cjapà lis clâfs de jespe e al le a soterâjes tun cjamp. Il capelan al jere disperât che nol podeve movisi e chel altri al dineave"
gjavât fûr di "Pre Pitin" di Antoni Beline
classic s.m.
(cla-ssic)
Artist o opare cjapâts di model par un stîl o par une ete
esemplis
"l'esercizi di voltâ par furlan classics di lenghis che a àn une lungje e alte tradizion leterarie al è une biele sfide"
gjavât fûr di "Interviste a Pierluigi Cappello" di Walter Tomada
"une opare e je un classic cuant che e covente inte stesse maniere ai nestris vons, a noaltris e a chei che a vignaran dopo di nô"
gjavât fûr di "Interviste cun Ignacio Vilar" di Fabian Ros
classic s.m.
(cla-ssic)
Spec. tal pl., i autôrs latins e grêcs plui innomenâts
esemplis
"chestis traduzions, o miôr chescj travistiments leteraris dai classics a jerin di mode dal Sietcent, baste pensâ al nestri Busiç, che al à voltât par furlan in otavis dut Virgjili"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
classic s.m.
(cla-ssic)
Ce che si calcole di tipic
esemplis
"il frico al è un classic de cusine tradizionâl"
classic s.m.
(cla-ssic)
Ce che al è cognossût e preseât di ducj
esemplis
"il zûc de ocje al è un classic, simpri divertent e coinvolzent te sô semplicitât, tes sôs cetantis variantis"
gjavât fûr di "Il zûc de ocje in lenghe" di Erika Adami
classic s.m.
(cla-ssic)
[CO] (scol.) Liceu classic
sinonims
liceu classic
esemplis
"dopo finidis lis mediis nol sa ben se fâ il classic o il sientific"
torne sù
torne sù